модул за обука

Во рамките на проектот „Fashion Employment Hub“, Текстилно трговско здружение – Кластер за текстил организираше дводневна обука на тема „Стратегија, брендирање и извозен маркетинг на производи од модната индустрија“ на 22 и 23 февруари во Велес, во хотел Гарденија.

Преку презентации и практични вежби одржани од експертот Петар Лазаров, целта на оваа дводневна обука беше да се запознаат модните дизајнери со концептите на брендирање и поставување стратегии за извоз на производи од модната индустрија. По завршувањето на обуката, младите дизајнери и претприемачи ќе можат да подготват сопствена стратегија за бренд и продажен план, да ја подобрат видливоста на нивните производи и да дефинираат начини на комуникација, промоција и успешна продажба на производите.

Темите на работилницата беа: Вовед во маркетинг и брендирање, што е маркетинг? Маркетинг (р)еволуција-Маркетинг стратегија, важноста на Маркетинг стратегија, Студија на случај – споделување искуство од партнери и подготовка на план за комуникација – рекламирање на производот офлајн/онлајн промоција и продажба. На крајот од обуката, учесниците имаа можност за консултантска сесија еден на еден со предавачот/експертот.